Castelo de Osma

Hoxe falaremos dunha construción estratéxica clave na que se disputaron as Terras do Douro espanholas durante a chamada Reconquista. Este lugar non é outro que o "Castillo de Osma", situado nunha paraxe espectacular coma é a Provincia de Soria (a cal recomendo profundamente visitar) e de libre aceso ao público.

Este castelo goza dun emprazamento clave para manexala depresión do Douro dende unha situación estratéxica privilexiada, situándose nun alto dificilmente accesible cunha construción sólida propia dos séculos X e XI. O emprazamento ten tres círculos amuraiados para unha mellor defensa, sendo inexpugnable mediante armas de asedio ou ataque frontal de infantería (sendo as dúas estratexias máis comúns neste momento histórico).

As fontes históricas indican que este emprazamento sobreveu a un ataque do maior gobernante musulmán da Península Ibérica Abdherraman III, invatible no campo de batalla e moi superior tecnolóxicamente aos seus coetáneos, con tan só 50 homes atrincheirados. Esta vitoria moral baseouse no abandono das almenas polos soldados de Osma, construíndo rendixas na base do Castelo para evitala destrución da artillería polas máquinas de asedio de Abdherraman. É un exemplo claro de como a arquitectura é capaz de gañar un asedio nas peores condicións, xa que a artillería do Castelo conseguía debilitala posición inimiga sen sufrir danos, gañando a contenda nun plano moral.

Cabe destacar a presenza de grandes torres de defensa, así coma unha torre da auga moi avanzada para o seu momento. Actualmente dito Castelo restaurouse, sendo unha visita obrigada tras coñecer Medinaceli.

Soria, definitivamente, é unha desas paraxes onde deixaron pegada cultural e histórica civilizacións tan importantes como a Romana, a Musulmana e a Cristiana. Esta mestura, sumada a unhas paisaxes preciosas e unha gran gastronomía, converten a Soria nun dos lugares de obrigada parada.

Mas si trepáis a un cerro y veis el campo

desde los picos donde habita el águila,

son tornasoles de carmín y acero,

llanos plomizos, lomas plateadas,

circuidos por montes de violeta,

con las cumbres de nieve sonrosado.

                                                    "Campos de Soria" Antonio Machado