O Estado do Tesouro

Hoxe falarei dun Estado norteamericano pouco coñecido: o Estado de Montana. Este Estado, case nunca reflexado nos filmes e nas series, presenta peculiaridades moi curiosas que o converten nunha das miñas principais opcións a hora de visitar dito país.                                                                         
O Estado de Montana atópase na fronteira con Canadá, albergando no seu amplo territorio a maioría das Montañas Rocosas, feito polo cal é un dos Estados con menor poboación de todo USA. Pese a ser maioritariamente seco, as temperaturas son frías e a súa vexetación abundante, os ríos modulan toda a súa xeografía e a economía principal basease na agricultura (feito polo cal a maioría de vehículos son pickup).
As súas terras acollen numerosas reservas indias, as cales intégranse a perfección cas paraxes definidas no parágrafo anterior. Pese a influencia indíxena, este Estado é maioritariamente branco, con poboación principalmente xermánica e escandinava; sendo, polo tanto, dunha inclinación relixiosa protestante moi clara (pese a todo, a poboación irlandesa convirte a fe católica na segunda relixión do Estado).
Politicamente é un Estado variable, incluso dividido, xa que non se adscribe a un partido de forma clara. A súa representación é dispar, aportando as cámaras nacionais tanto Demócratas como Republicanos. Tamén cabe destacar que foi o primeiro Estado en elixir a unha muller como Congresista dos Estados Unidos, e un dos pioneiros do voto feminino.
A súa lexislación armamentística é nitidamente "americana", xa que case o 70% da poboación ten armas en casa, podendo levalas en público, así como mercar libremente ametralladoras e armas automáticas. Nos institutos do Estado existe unha sinatura propia que permite o acceso a licencia de armas (polo visto, a importancia das armas para os habitantes de Montana é un símbolo das súas orixes).

Todas estas características peculiares, o gran espazo virxe das rocosas, a importancia da agricultura, as reservas indias e a presencia de grandes minas fan deste Estado un lugar perfecto para coñecer "outro" rural dos Estados Unidos, alonxado da típica imaxe Tejana do agro americano.